Reports wey dey commot from Italy, talk say Manchester United don almost finish Paul Pogba deal from Juventus, say the French Man dey wakka enter Los Angeles to go do hin medical self.
Liverpool Manager Jurgen Klopp don yarn hin mind ontop the fact say Manchester United dey buy the 23-year-old for £100 million.
“How you go buy person for £100 million? If you buy am and e wound during the season. Shey una know say the money don waste?.” Na wetin Klopp yarn.
I no know wetin consign am. Na your money? See me see wahala. The fact say Liverpool no get better money to buy top players dey pain am. Na so so bend down select players dem dey buy.
Make e sha chook hin eye for Liverpool matter, nothing consign am with Red Devils.