Reports wey we bin hear say Jose Mourinho wan purshue Fosu-Mensah go loan, don dey go down the toilet seat small small and one new hot amebo don commot say Manchester United wan offer am new contract.
The Manchester United pikin ‘Timo Timo’ na one of the best pikin players wey Red Devils get at the moment and if say dem for let am go, thunder for fire Jose Mourinho.
Wetin Daily Mail yarn na say, United and Baba Special don assure Timo Timo say e dey very important for the plans wey Red Devils get this season and dem also talk say the thing wey make am miss the senior team training on Thursday na say e get wound.
Manchester United don dey follow Fosu-Mensah agent talk. Thank God say no be that Fat mumu ‘Mino Raiola’ wey dey manage Pogba dey manage am. E for wan collect big money or e go threaten us with Juventus.