E sure Manchester United die say dem go sign Paul Pogba this summer as e remain small thing wey go make them finalise the deal, na the hot tori wey we dey hear from Sky Sports News HQ reporter James Cooper.
The 23-year-old go wakka commot from Juventus, enter Manchester United this week. We also hear say the money wey Red Devils drop for am na £100m… If the deal complete ehn, e mean say United go break the world transfer record.
“E remain small,” na wetin Cooper yarn. “Manchester United no dey shake ontop the matter. Them dey reason say dey don already sign am. If say dem want make the guy do medical for US (where Pogba dey do holiday) self, dem go fly there carry am enter hospital do am.”
“The player self wan wakka enter back Manchester. Hin agent dey try reason with Juventus. Many many things dey involved for matter but e sure me say dem go resolve everything soon.”
“Manchester United go like make the player wakka enter this week so dem go fit work on am, so e go dey ready for Premier League. Dem go like sign am before Bournemouth match.”