Zlatan Ibrahimovic: Our season badt already, but if Pogba wakka enter, e go badt gann

Una sabi say the amebo tori wey dey link Paul Pogba to Manchester United hot wella, after e go dey sign Red Devils jersey up and down for Beverly Hill, Carlifornia yesterday.

Zlatan Ibrahimovic dey ginger to achieve great things for United this season

Now, United striker Zlatan Ibrahimovic don add fire to the Pogba heat after e talk say Manchester United go achieve big things this season and if the French international wakka enter, e go make the ginger more interesting. 

“Big things go happen this season o. If Paul Pogba wakka enter here this summer, We go badt pass how we dey already.” na wetin Papa Ibro yarn.


Paul Pogba dey heavily linked to Manchester United this summer

Zlatan no even waste time to make hin mark for United against Galatasaray, na after three minutes wey match start, e use bicycle kick tear net.This na wetin Papa Ibro yarn ontop hin first match for United.

“The way i take start my career for United make brain and e sweet me gan say i score my first goal for the club in Sweden. I no fit fail for my country.” Na wetin Zlatan yarn.

Now Papa Ibro don show everybody tip of the iceberg of wetin e go provide this season and e sure me say Premier League clubs dey fear. Who wan mark am??

Manchester United go dey fight for Premier League title next season, e sure me. But make dey wait to see when dem go announce Pogba. Dem fit announce am this week.


One thought on “Zlatan Ibrahimovic: Our season badt already, but if Pogba wakka enter, e go badt gann

  1. Pingback: United boss Jose Mourinho don yarn hin mind ontop Galatasaray yansh tearing | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s