E never reach one month wey the 34-year-old Swede international wakka enter Manchester United but hin teammates already dey look up to am.
Zlatan Ibrahimovic don already dey show hin leadership skill for Manchester United’s dressing room.
The Swedish superstar bin make hin mark, four minutes after e enter pitch to play hin first United game, as United knack Galatasaray 5-2 on Saturday night.
E never tey wey the 34-year-old wakka enter Old Trafford but e don already make hin teammates feel hin presence. Ander Herrera self don even yarn ontop the matter.
“Papa Ibro go lead, we go follow onto say him na one of the best players wey dey this world and even for our dressing room self, him na confam leader o,” Ander dey yarn.
“E no shock me say the goal wey hin score mad onto say no be today wey i don dey watch am tap football.”
“People like Rashford and ko fit learn from am. No be just Rashford o. Na all of us go learn from am.”
“Na big chance say i don see chance to learn from legend and i no go let the chance pass me by.”