Marcus Rashford wan be more like Zlatan Ibrahimovic

The Swede star wey Manchester United sign this summer, fit teach the 18-year-0ld pikin everything e sabi to boost hin skills.

Marcus Rashford send keeper go message but keeper foul am – so e win penarity

The way Marcus Rashford take run against Galatasaray (the way e take win hin penarity) bin make Zlatan Ibrahimovic standa, as Papa Ibro no fit hold hin joy, e dey clap, say the small pikin too sabi. Na the ginger wey Rashidi ginger wey give United their third goal. 

As the Swedish striker bin score for hin first Red Devils goal as Jose Mourinho’s men knack the Turkish side 5-2, the United pikin talk say e sweet am to learn from Papa Ibro everyday.

“Na all of us fit learn from am as e dey here so, we no gots let the chance waste,’ na wetin Rashford yarn.

“No be small thing say i fit dey with am everyday and e sweet me say i fit sabi as e dey like for ontop pitch and for when e no dey tap football. You fit learn many things from am, and i dey hope say i fit dey ball like am (after i don learn).”

Wayne Rooney: If Manchester United fit sign Paul Pogba, na big statement

The next match wey United get na Wayne Rooney’s testimonial wey go happen on Wednesday. After that one, dem go play Community Shield match against Leicester on Sunday. The Premier League dey start on August 13 sha.

As the team bin dey jolly say dem knack Galatasaray, this na wetin Rashford yarn ontop the matter.

“E dey important say we don win our first match, and we join body do am, e go ginger us for the season,” na wetin Rasidi yarn.

Marcus Rashford bin impress Zlatan Ibrahimovic for the match 

“Jose Mourinho bin no care say we dey lose for half-time self, e just tell us say make we push up and say make we no give dem space, and na wetin we do wella for second half.”

“Many of us still get open mind sha, as na only our second pre-season game as full squad – na the first match wey some players play sha. The match sha sweet the fans and players.”

 

Advertisements

One thought on “Marcus Rashford wan be more like Zlatan Ibrahimovic

  1. Pingback: Schweinsteiger’s Brother: Jose Mourinho no get respect for hin elders | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s