Our Weekly Tori Review

We get plenty tori them wey we go review wey happen last week. Firstly, the match wey we bin de plan to knack ManCity was cancelled. Almost all our players start training. Ibrahimovic bin make impact and we go summarize our match wey we knack Galatasaray. We go also talk transfers.

img_1340

Zlatan dey show United players skills

On Monday, organizers bin cancel our match against Mancity. This kind thing tire person sef. Blame bin de on bad weather wey spoil the pitch but generally, the organizers no too plan am well sha. E vex everybody and we go like make planning better next time because we no go like anybody to use our players safety and welfare play.

As we come return to Manchester, many players come join the training. Ibrahimovic, Rooney, Martial, DeGea them bin join as we prepared for the match against Galatasaray inside Sweden. For the match, we knack them 5-2. E be like say na old ManU de play. We score plenty goals and come from behind to win- na ManU way be that. Everybody play wella and nobody carry injury wey make am sweeter. Papa Ibro score beta acrobatic goal, Depay enjoy himself for pitch, Rooney score 2 goals.  I no fit mention everybody name but Valencia bin my man of the match because of him 3 assists. My only headache na our defence. We suppose de tighter. They score with their first chance and the second goal bin easy to concede as nobody close Bruma down after the one-two. Anyway, Baba Special sabi wetin him go do for our defence.

We also hear say adidas sell more than 1 million of Ibrahimovic replica shirts. If e true, e good o but the money (76million pounds) no too concern us because the club only get 15% of themoney as the pay us 750million pounds for 10years for the business already. But e good to know sha. As them finish the match, Ibro bin yan say something special de happen and if Pogba de join, e go de more special. Pogba deal go soon happen and the announcement go soon show. Na just attention him agent de look for and him don de get am so we de hope say e go conclude this week wey we de enter. Even Pogba himself sign ManU jersey wey carry him name and Number 6. So na only time everything go open.

We hear say some players go comot from ManU. Schwieni, Fosu-Mensah, Januzaj, Perreira and some others bin de mentioned. Honestly, as Pogba de come, we fit allow Schwieni go but e go hard as no other club go wan pay am wetin we de pay am. But we suppose find agreement with anybody wey show small interest sef. Rojo na another person wey we suppose flag down taxi for make him carry him wahala de go. But as for the young players like Fosu-Mensah, Januzaj and Pereira, make Baba Special use him head. We wan spend over 100 million pounds on one wey we allow to comot like that so make him give them new deals then make they go loan. Or if they wan comot on permanent deals, make them put buy-back clause for them.

img_1330

Fosu-Mensah 

Finally for this week wey we de enter, the main events go start to de happen. We go play Everton for Rooney testimonial, play Leicester city for Community Shield and confirm our new mega signing. I know say we go win all our matches and e go make statement to our rivals say we no de play with them this season because time of Moyes and big nose don pass finally.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s