Rooney: Ronaldo & Scholes na the best players wey i tap ball with for Man United

Na the UCL match for 2007, wey Rooney score two goals against Ac Milan for Semi-Final

As Manchester United dey prepare for Wayne Rooney’s testimonial match against Everton, The England and Red Devils capo don sharply run one interview wey e yarn on some important talku talku.

The first thing wey e yarn about, na ontop the best players wey e don tap football with for United.

As United winger Ryan Giggs bin already pass hin prime when Rooney wakka enter Old Trafford and na only one year wey Rooney tap ball with Roy Keane, the skipper talk say the best players wey e don knack ball with na Ronaldo and Scholes.

MORE: Wayne Rooney: If Manchester United fit sign Paul Pogba, na big statement

“If una go ask me ehn, i go talk say the two wey stand out na Paul Scholes and Cristiano Ronaldo.” Na wetin Wayne yarn.

Reporters con ask The England Capo about hin best Old Trafford game.

Rooney bin score hat-trick for hin first United Champions League match against Fenerbahce

“My best na the first Champions League match wey i play for United, wey we knack Fenerbahce 6-2,” Rooney dey yarn.

“The fact say i fit score hat-trick for my first Champions League match na something wey i no fit forget for my life. E too sweet me,” Wayne still dey yarn.

MORE: Wayne Rooney: The Old United spirit don come back – We fit win Premier League

“The second match wey i go choose na the Semi Final UCL match wey we play against Ac Milan for 2007. No be anyhow match and the fact say i fit score two goals make brain.”

Na the match wey Michael Owen score winning goal for dying minute against Man City

“E dey hard me pick another match but if i gots pick na the one wey United knack City 4-3, that one wey Michael Owen score winning goal for dieing minute. As e score am, the whole stadium scatter.”

One thought on “Rooney: Ronaldo & Scholes na the best players wey i tap ball with for Man United

  1. Pingback: Sir Alex: Wayne Rooney na one of the players wey over ginger for Man United | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s