Three things wey Manchester United gots do if dem wan knack Everton

Wayne Rooney’s Testimonial against Everton go happen on Wednesday, 8pm

The Red Devils get important pre-season match against Everton on Wednesday night. The match dey important for United onto say, after am, the next match na Community Shield match against Leicester City. 

We wan sharply tell una the three things wey Jose Mourinho and hin boys gots do to knack Everton apako:

The first thing wey Baba Special gots do na to start Maroune Fellaini and Michael Carrick. With the way dem two take ball for second half against Galatasaray, e fit start dem, see how dem go ball together. Herrera and Schneiderlin fit commot from bench for half-time as punishment for the rubbish wey dem play against Gala… We just dey pray make United sign Paul Pogba so our midfield go balance small sha.

READ MORE: Wayne Rooney: If Manchester United fit sign Paul Pogba, na big statement

The second thing wey Manchester United gots do to knack Everton apako, na to get Wayne Rooney in the game. If Wayne loss for the match, wahala go dey and we go hardly see chance but if dem fit play through am. We go tear net anyhow. Fashi say Baba Roo don old, e still get goal for hin body.

This na when Wayne Rooney still dey tap football for Everton

The last thing wey United gots do to knack Everton na to defend better (No free man o). As wise man go talk, the best way to knack another team apako, na to defend well. If dem no fit score you, and you fit score, na you go win. If everton sha score us from set-piece from this match, o boi, wahala dey o.

We just dey pray make United tear Everton yansh, even if na only pre-season as if our boys dey win, our fear factor go dey increase.

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s