Wayne Rooney: The Old United spirit don come back – We fit win Premier League

rooney injured

Wayne Rooney believe say the Old United spirit don return 

Manchester United and England Capo, Wayne Rooney don sharply run interview for The Daily Mail, to talk about hin career so far.

For the interview, e yarn about everything England do for Euro 2016 this summer, even as dem take lose 2-1 to Iceland. After that one, e con yarn about the new season wey United wan get, e talk say the new manager and the new players wey wakka enter the club don lift the spirit of everybody wey dey the squad, say their moral for dressing room high.

“I dey reason say the players dey feel like say the old Manchester United don return. No be just the new people wey we sign o, Anthony Martial and Marcus Rashford self still dey from last season, dem two try wella,” na wetin Rooney yarn.

READ MORE: Rooney: The person wey slow pass for Manchester United na Daley Blind

“We don balance well now, and we dey reason say we fit fight for the Premier League. We go use Leicester City take do example for Community Shield. I know say the game no go count, but we wan show say we fit win trophy, make everybody dey fear us. Na very important match for us.”


Wayne Rooney bin score two goals against Galatasaray

The new players wey Jose Mourinho sign na Zlatan Ibrahimovic (Papa Ibro), Henrikh Mkhitaryan (Mita Mita), and Eric Bailly (Baba B). Na small thing remain wey go make Paul Pogba (Paul O) wakka enter from Juventus for a record breaking fee.

Everything wey dey happen for the club, dey ginger dem, na wetin Rooney talk, say e don bring their old spirit back. If you be United fan now, e sure me say you no know whether Mourinho go carry League, like the way Ferguson do for 2012/13 season but you sha know say Red Devils go do well.

READ MORE: Wayne Rooney: If Manchester United fit sign Paul Pogba, na big statement

The next match wey United get na against Everton for Rooney testimonial, e go happen for Old Trafford. Na their final pre-season match, after that one, them go face Leicester City for Community Shield, e go happen for Wembley.

4 thoughts on “Wayne Rooney: The Old United spirit don come back – We fit win Premier League

  1. Pingback: Rooney: Ronaldo & Scholes na the best players wey i tap ball with for Man United | MAN UNITED IN PIDGIN

  2. Pingback: Wayne Rooney’s Testimonial go show live on Facebook | MAN UNITED IN PIDGIN

  3. Pingback: Sir Alex: Wayne Rooney na one of the players wey over ginger for Man United | MAN UNITED IN PIDGIN

  4. Pingback: Arsene Wenger: Zlatan Ibrahimovic fit struggle for Premier League, him na old papa | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s