Five things wey we observe as Manchester United draw 0-0 with Everton

co9u5nkw8aaesqu

Henrikh Mkhitaryan dey ginger for ball against Everton 

Manchester United and Everton bin do battle tonight for Old Trafford, as Wayne Rooney do hin testimonial to raise money for Wayne Foundation, so e go fit donate am to Charity Organisations. 

The match bin start wella but last last, na 0-0 e end… We wan sharply tell una the five things wey we observe for the match.

The first thing wey we observe be say Mourinho no sabi hin strongest 11, so e still dey experiment. The team wey e start play well pass the team wey enter second half. The way our team take gel for second half against Galatasaray, e no happen tonight as our players no put body for ball for second half. Second half bad sote we no even get shot on target. The only shot wey we gets self, na that yama yama shot wey Zlatan shoot, wey fly commot far from post.

The second thing wey we observe na say Ashley Young bin play like say e leave hin brain for bench. Nobody play rubbish pass this guy. E just dey lose possession, dey pass rubbish. At first, e bin dey play left-wing (attack), Mourinho con see say e dey play rubbish.. E con put Memphis for Left-wing and e send Young go left-back, e still play rubbish for there again. This bros dey cement himself for bench. Thank God say Luke Shaw don come back, the way Shaw take ball today ehn, i think say hin be evil spirit. E GINGER GAN!

ibrahimovic-742x417

Zlatan bin miss two chances for the match 

The third thing wey we observe na say Michael Carrick na still Manchester United best midfielder right now. The way e take epp hin team for first half with passes ehn. When e dey pitch self, United bin dey sharper. As Baba Philosophy bin pair am today with Ander Herrera, e make brain o. As Carrick balance wella for midfield, Rooney con enter match wella.. Rooney bin play many important passes inside box tonight but our attackers (Martial, Zlatan Ibrahimovic) no too sharp infront of net. See better through pass wey Rooney give Martial, free space on goal but e cut the defender and hin brain off… E suppose pass that ball or e for just shoot am one time.. Zlatan self bin miss some chances. Abeg make e no dey miss anyhow when season start o.

MORE NEWSEmma: ‘Luke Shaw win man of match against Everton. How yi con take winnam?’

The fourth thing wey we observe na say Morgan Schneiderlin and Maroune Fellaini combo for midfield na error. Schneiderlin na player wey sabi mark ehn, but e no fit demand for ball for hin life, if hin teammates dey with ball, e go dey hide, dey point to show the person where to pass ball (If na Scholes, e for epp, demand for ball.)…. The only time wey you go see Schneiderin work na when our opponents dey with ball. Maroune Fellaini own get as e be, e dey demand for ball, e strong, but e no sabi pass and e no sabi run. Them two combo no work at all at all. Make Mourinho no try am again.

co9w_3swiaaf69c

Wayne Rooney’s testimonial bin happen tonight against Everton 

The last thing wey we observe na say Henrikh Mkhitaryan gots enter gym to work out o…See as e just dey fall up and down today against Everton.. E be like say him no know say Premier League players dey very physical. I know say na excellent player but e got prepare himself for gym, so hin body go strong.

Advertisements

6 thoughts on “Five things wey we observe as Manchester United draw 0-0 with Everton

  1. Pingback: Emma: ‘Luke Shaw win man of match against Everton. How yi con take winnam?’ | MAN UNITED IN PIDGIN

  2. Pingback: Manchester United players don react to Wayne Rooney’s Testimonial | MAN UNITED IN PIDGIN

  3. Pingback: David Moyes: I sabi say Rooney go blow, the first time i watch am for Everton Academy | MAN UNITED IN PIDGIN

  4. Pingback: Video: Rooney & hin pikin Kai laugh Memphis after e wan do bicycle kick but e miss road | MAN UNITED IN PIDGIN

  5. Pingback: Players’ Report Card: Manchester United 0-0 Everton | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s