Latest Transfer news: Lukaku to Chelsea? Pogba to United? Wenger na akagum?

Make una chook una eye for here as we go dey update una on the latest transfers wey don happen for Premier League.

Chelsea dey purshue Lukaku

As Diego Costa wan wakka commot, Chelsea wan table £57 million for Romelu Lukaku wey dem kick enter dustbin before, but Everton refuse. Everton talk say the fact una kick am inside dustbin no mean say una fit buy am cheap. Everton wan make Chelsea bring £75 million. (Daily Mirror)

Chelsea wan buy Lukaku 

Wenger dey find winsh but e no wan spend, Akagum

Arsenal wan drop £35 million for Lyon striker Alexandre Lacazette wey be 25 years. At First dem table £29.3 million for the guy but Lyon refuse, the money too small. (Telegragh)

Arsene Wenger dey chook eye for Alexandre matter 


Arsenal again? E never do una? We sha hear say dem dey chook eye for one Torino full-back wey dem dey call Bruno Peres wey be 26 years old. Torino talk say make Wenger bring £16.9 million but the Gunners coachie no wan drop am as him be Akah gum. (Gazette World)

E no dey do these people and last last na chinko dem go still buy. Arsenal dey follow Valencia talk, dem wan sign Shkodran Mustafi wey be 24 years. Hin release fee na £42.1 million. If i hear say Arsene Wenger buy am, na the chinko version hin go buy. (Sky Sports)

Pogba dey come United?

Paul Pogba go soon wakka enter Manchester United and John Stones go soon wakka enter Manchester City, na wetin Rory Smith wey be reporter of Times talk. (5 live in short)
Reports bin commot say Everton don table £14 million for Sunderland defender Lamine Kone but all na lie. (Sunderland Echo)

Manchester United defender Cameron Borthwick-Jackson, 19, fit wakka commot go learn work (loan) for another club. Him and Baba Special bin do meeting and Baba Special tell am say space no dey for am for Old Trafford. (Manchester Evening News)

Other Transfer news

Tottenham bin offer Christian Eriksen wey be 24 years old new contract but e refuse, say why dem go give am peanut as salary, say e want £30,000 every week. (Evening Standard)

New England manager Sam Allardyce talk say e go like make  Craig Shakespeare wakka commot from Leicester City (assistant manager), say make the guy come join hin back-room staff. (Daily Star)

Everton dey chook eye for Swansea defender Ashley Williams wey be 31 years. Swansea talk say make dem bring £10 million. (Daily Mirror)

Everton talk say make Manchester City bring £50 million for John Stones but City carry £42 million come, con dey beg. Everton no wan hear. (Guardian)

City goalkeeper Angus Gunn, 20, wey bin catch three penarity for the match wey City play against Borussia Dortmund, wan stay for the club. E wan fight for shirt and e dey pray make Guardiola give am eye. (Manchester Evening News)

West Brom striker Saido Berahino, 22, don tell dem say no problem, e go remain till hin contract expire. E con warn dem say after it expire, e go wakka commot for free, go join another club dor Europe. (ESPN)

MORE: Video: Pogba dey use Man United play – E go Newyork to practice kick boxing

Newcastle wan buy Anthony Knockaert from Brighton but dem no gree say make Newcastle table £10m. (Chronicle)
West Ham table £7 million for Andrew Robertson wey be 22 but Hull City refuse am, say the money no reach. (Sky Sports)

Advertisements

2 thoughts on “Latest Transfer news: Lukaku to Chelsea? Pogba to United? Wenger na akagum?

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s