Sir Alex: Wayne Rooney na one of the players wey over ginger for Man United

Fergie credits 'unbelievable' Rooney with re-energising Man United on his arrival

Sir Alex and Wayne Rooney bin get small beef before, but dem don make peace

The best manager wey don ever manage Manchester United, Sir Alex Ferguson praise the Red Devils Captain, e yarn say Wayne Rooney na one of the best players wey don pass through the club. 

The 30-year-old get hin testimonial match against Everton today, and Baba Fergi don commot talk say Wayne Rooney na the person wey ginger for Manchester United when e (Sir Alex ) bin wan retire in 2002.

“Rooney na mad signing o [in 2004],” na wetin Ferguson yarn for match programme.

‘At first ehn, i bin wan retire from football, then i con change my mind and i commot the matter from my mind and i con dey reason how we go take move the club foward.”

MORE: Rooney: Ronaldo & Scholes na the best players wey i tap ball with for Man United

“When you decide say you go retire, nothing go dey worry you again… but later i con dey reason how i go move the team foward and i con dey observe small pikins wey sabi play ball.”

“Of Course Cristiano Ronaldo bin dey, Rooney self bin dey, and that period make sense. The two of dem ball gan.”

“The way Wayne take rise enter first team ehn, and then hin be only 18 years old, and the fact say e fit tap football for Manchester United for 12 years no be small thing, e no easy at all, especially for the world wey we dey so.”

MORE: Wayne Rooney: The Old United spirit don come back – We fit win Premier League


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s