Community Shield: Three things wey Man United gots do to knack Leicester City 

Zlatan go lead our attack against Leicester City on Sunday

The next match wey Manchester United get na against Leicester City for Wembley Stadium on Sunday, August 7th.

The match go be like the final warmup for the two clubs ahead of the English Premier League wey dey start on Saturday, August 13.

We wan sharply talk about the three things wey Red Devils gots do to knack Leicester City apako sote dem go shit for pant.

MORE: Man United boss Mourinho don use style say Pogba dey come: ‘We go sign one more player’

The first thing wey United gots do na to feed Zlatan ball wella for inside box, so e no go dey work hard for ball. For our last match, we bin notice say Zlatan no dey too see ball wella inside box, so e gots drop deep to epp the team but that kind thing no go favour our attack. So, we dey count on the likes of Wayne Rooney, Anthony Martial and Hernrik Mkhitaryan to step up against Leicester so Papa Ibro go remain inside box. If dem fit achieve am, we go knack Leicester Apako.

The second thing wey United gots do for the Community Shield match na to give Jamie Vardy close marking. Thank God say Eric Bailly sabi run. As Chris Smalling no dey available yet, e be like say na Bailly go mark Vardy, NO FREE SPACE. Everybody sabi say Leicester City game na counter attack, now wey Ahmed Musa don show self, e go worse. Our defenders gots work wella that day. Thank God say Luke Shaw don come back, hin pace go epp us against their counter-attack and e go ginger for our own attack.

The last thing wey United gots do na to start Michael Carrick. As Pogba never enter, Carro na still one of our best midfielders and hin game dey have impact on Rooney game self. For the matches wey United don play for pre-season, our game dey improve when e dey pitch. I no sabi the person wey Mourinho wan pair with am (i.e Herrera, Fellaini, Schneiderlin, etc), for that one ehn, Baba Special fit choose who hin like. We dey pray make United sign Pogba before League start, we need am.

MORE: Memphis Depay don send important message to all Man United fans 

E sure me say we go beat Leicester City, na small thing. My own na say, make we knack dem apako.

Advertisements

2 thoughts on “Community Shield: Three things wey Man United gots do to knack Leicester City 

  1. Pingback: Ashley Young believe say Manchester United fit win 2016/17 Premier League title | MAN UNITED IN PIDGIN

  2. Pingback: Jose Mourinho: Rooney na my man now – I bin try sign am when i still dey with Agberos | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s