United defender Antonio Valencia don turn 31: Happy Birthday One Way!

Antonio Valencia na very important player to United

Manchester United Winger/right-back Antonio Valencia don turn 31 years-old. We just say make we wish am Happy Birthday, E don try for Red Devils, no be small. 

If person for tell me say the Ecuador international go last for Old Trafford, i for no believe but na wetin happen. 

Antonio Valencia bin dey play right-wing when Sir Alex Ferguson  still dey in power. There get one season wey na him get assist pass self for United. 

When David Moyes con take over, na still right-wing e dey play.. But as Januzaj con blow that year, One Way con dey play right-back sometimes. 

As Louis van Gaal con enter power after Moyes wakka commot, e con change Valencia position to permanent right-back. The truth be say, the person wey suppose play right-back na Darmian but as Damo no gree get sense, Valencia con play right-back for the most part of Baba Philo Philo’s campaign. 

Now wey Jose Mourinho don enter, from everything wey we don observe, na Antonio Valencia be hin first choice right-back.. 

The FA Cup title wey United carry last season, na ‘One Way’ play key role for that final. Na him wey do assist for the winning goal, wey Jesse Lingard score.. 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s