Latest transfer news wey dey happen for Premier league: Pogba dey come

Paul Pogba dey heavily linked to Manchester United this summer

We wan sharply keep una up-to-date with all the latest transfer amebo wey dey fly around for Premier League & Football.

Everton dey chook eye for Julian Draxler, wey be Wolfsburg German winger. Arsenal self dey chook eye for the guy matter. The money wey Wolfsburg go like collect for am na £63m. (Independent) 

The Merseyside club talk say dem no fit reduce their price tag for John Stones, say if Manchester City wan buy the 22-year-old England defender, dey gots pay £50m. (Sky Sports) 

Manchester United don sigh Paul Pogba finish, the only thing wey remain na make dem announce the 23-year-old French Midfielder officially when e return from hin holiday. (Manchester Evening News) 

Liverpool wan dash Ajax Mario Balotelli as dem no sabi wetin dey wan take the 25-year-old do. (Daily Mail)  

Arsenal and Chelsea dey chook eue for German defender Shkodran Mustafi, 24. The Gunners self dey also chook eye for Jonny Evans, wey dey play for West Brom, as dem get too many players wey wound. (Daily Mail) 

Chelsea dey use left eye watch Thiago Maia, 19, wey dey play for Brazil for Olympics. Them go like table £15m for am. (Daily Mirror) 

E be like say Diego Costa, 27, go remain for Stamford Bridge, after Atletico Madrid president Enrique Cerezo talk say “Costa’s new house na Chelsea”. (Marca,via ESPN) 

Everton don talk say dem dey ready to pay Romelu Lukaku £135,000 every week, if e go remain for the club. Na Wahala for Chelsea be that. (Daily Mirror) 

Real Madrid dey chook eye for Bayern Munich Midfielder David Alaba. dem wan table £55.1m for the 24-year-old. (AS) 

Na small thing remain make Manchester City sign Marlos Moreno for £4.75m. Him na 19-year-old pikin wey dey play for Atletico Nacional. (Guardian) 

Roma and Liverpool dey drag to sign former Arsenal Captain Thomas Vermaelen, 30, wey dey tap ball for Barcelona. (Gazzetta dello Sport) 

Aston Villa talk say make 33-year-old centre-back, Joleon Lescott, gerrout from their club. Leeds dey chook eye for the matter. (Mail)  

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s