Mourinho Press conference: Schweinsteiger fit gerrout – Wenger/Klopp no get home training

Jose Mourinho bin do press conference ontop the Community shield match

Manchester United new manager Jose Mourinho don do press conference ahead of the Community Shield match wey hin side get against Leicester City (the people wey carry Premier League last season). 

Firstly, Mourinho don confirm say Chris Smalling and Fosu-Mensah don full ground, say dem don dey train again.

“Everybody go like tap ball but Smalling never play any match But like play like play, na still d same thing for everybody onto say dem no too play for long,” na wetin Jose yarn for #MUTV.

“Some players don dey train for five weeks, some na one week but we dey try our best so dem go all full ground before League start. If all our players dey the same fitness level, den dem go fit dey fight for shirt with one another.”

MORE: Man United dey ginger to face Leicester: Smalling don Show, Schweinsteiger dey absent

Jose con give hin opinion ontop match wey we get on Sunday.

“We fit make 6 subs, so e go give me chance to give some players time to tap football,” Jose still dey yarn.

“It also don gimme chance to play some players wey i know say dem no go fit play for 90 minutes. Dem self sabi say dem no fit play for 90 minutes.”

“In Short ehn, Everything go follow for the match but we go try win am too sha.”

Reporters con ask Mourinho ontop the rumours wey dem dey hear say him and Schweinsteiger get beef and this na wetin e talk.

“Ehen!, Wetin dey happen? For every club in this life wey una see so, na the manager dey decide hin squad.”

Baba Special go like make hin main squad number be 26 players and this number wey una dey see so contain 3 goalkeepers.

The next thing wey the new Manchester United boss yarn ontop na say Red Devils go buy new midfielder.

“Ehen, We go sign player wey hin name carry weight,” na wetin Jose yarn.

“The fact say we never announce Paul Pogba officially, mean say him na still Juventus player.”

“We dey do everything possible to make sure say we go finish our matter for transfer market before 14th. Next week, we go finish.”

Mourinho ontop hin new signings: “we buy Mkhitaryan, e sabi ball ehn, and we con sign Papa Ibro (Winsh Striker).”

Mourinho ontop Bailly: “Him na still pikin wey sabi play centre-back, give am time, e go turn world class. E get potential, i believe am die.”

Una sabi say last week, Liverpool manager Jurgen Klopp and Arsenal manager Arsene Wenger bin chook their eye for matter wey no consign dem as dem talk say why person go dey buy one player for £100 million, say e no make sense. Now Jose Mourinho don react to wetin dem talk say e talk say dem no get home training.

MORE: Jose Mourinho and Community Shield

“Make i talk truth, i no like am when other managers dey yarn about us. E show say dem no get home training. Na why, na only United matter i dey talk about.”

6 thoughts on “Mourinho Press conference: Schweinsteiger fit gerrout – Wenger/Klopp no get home training

  1. Pingback: Paul Pogba jam Drake for Newyork and e give am Juventus Jersey – Wahala dey | MAN UNITED IN PIDGIN

  2. Pingback: Jose Mourinho and Community Shield | MAN UNITED IN PIDGIN

  3. Pingback: Man United dey ginger to face Leicester: Smalling don Show, Schweinsteiger dey absent | MAN UNITED IN PIDGIN

  4. Pingback: Leicester boss Claudio Ranieri dey ginger to face Man United in Community Shield | MAN UNITED IN PIDGIN

  5. Pingback: Jose Mourinho dey ready to fight for every title in 2016/17 season | MAN UNITED IN PIDGIN

  6. Pingback: Tactical Analysis: 6 key battles wey go happen when Man Utd jam Leicester City for FA Community shield. | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s