José mourinho win e first trophy for e first match for the club as ibrahimovic score for e official debut for the club.
Jesse lingard na score the first goal for the match with one beta play wey e do before Jamie vardy score come equalize for the begining of the second half,but our new number 9 zlatan come score beta header na wetin e talk before the match say ” e come win trophy and not to waste time”. Before the match fans around don de ginger as dem de here say juve don give pogba chance to come do medicals with the club.
Na we start well as Rooney make Kasper make better save early inside the match, before fellani come hit bar. Before Leicester start de ginger as okazaki hit bar for 19min, Bailly come chance vardy collect ball from am. We come take control for the match as our smallie ginger pass three people come play low ball enter the post, before the match end 1-0 for first half.
As second half start Leicester sharply score back from the boot of vardy, as e run collect fellani back pass come round keeper score.
Mourinho dress complete for the first time as manutd manager as e de ginger everywhere for touch line to give players instructions. The ginger for te won de dull but na manutd attack pass as IBRA miss one chance to score musa too for the other end miss e own chance to score. As everybody de feel say na penalty go end the game na so IBRA collect e chance to shine as e jump nod ball wet Valencia cross enter net for e first goal of this our season.
The match end 1-2, na better start for this our new season under mourinho b this. #GGMU