Na who go partner Paul Pogba for Man United midfield? – Mourinho fit get headache

Paul Pogba na the most expensive player

Now wey Manchester United don confirm the signing of Paul Pogba from Juventus, e mean say work don start for Jose Mourinho.

The Red Devils boss gots find hin first eleven and e gots make sure hin team gel fast, as it bin dey obvious say the United team dey disjointed against Leicester. Na individual talent save Mourinho’s men for Community Shield on Sunday.

The way Baba Special go take find hin strongest eleven na to fix United midfield problem. E gots find the right player wey go partner Pogba, wey go make our midfield balance well.

As Mourinho don banish Bastian Schweinsteiger from hin first team, e mean say e gots choose among Ander Herrera, Maroune Fellaini, Michael Carrick and Morgan Schneiderlin.

Ander Herrera

The first player  wey fit partner Paul Pogba na Ander Herrera.. The Spanish international sabi play ball wella, e sabi link up with hin teammates and e sabi mark. E dey ginger for attack. The only problem wey hin get na say hin no strong. Any small thing, e go fall for floor dey shout ‘Ref, see wetin dey do me’… But all round, if Mourinho partner am for midfield, e go make sense if we dey play against Teams wey no dey physical.

Maroune Fellaini

The second player wey fit partner Paul Pogba na Maroune Fellaini. Baba Fella get power, e strong, e sabi nodd onto say e tall, e dey physical. The problems wey this Belgium international get na say e no sabi play, na so so error pass e go dey throw and  e too dey use hin elbow. I no just understand why e go dey use elbow hit person everytime. Na because e never collect red card for am sha. Another problem wey e get na say e slow. If Man United dey play against Phyiscal Opponents, people wey tall, e no go bad if Fellaini play, e fit help our defence.

Michael Carrick

This na another player wey fit partner Paul Pogba. Carrick na one of the best midfielders wey United get, but as e don old, no be every match e dey turn up. If Manchester United dey play against team wey dey physcial or the ones wey sabi run, Carrick go get problem. But for matches wey speed no too dey involved, The England international go control midfield. E go make sense if e partner Pogba for some matches.

Morgan Schneiderlin

The last player wey fit partner paul Pogba na na Morgan Schneiderlin. The French Midfielder don lose form since when e wakka enter Old Trafford from Southampton. The way Louis van Gaal kill hin career, i no just understand. Bros lose form sote e go Euro 2016 to wash clothes for hin teammates. Na so so bench. If Jose Mourinho fit revive hin career, e go make sense onto say e sabi mark.

MORE: “This Trophy fit ginger us for the season,” United Defender Luke Shaw dey warn BPL teams 


One thought on “Na who go partner Paul Pogba for Man United midfield? – Mourinho fit get headache

  1. Pingback: Paul Pogba don land for Manchester – E don pass hin medical | MAN UNITED IN PIDGIN

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s