Transfer Update: Paul Pogba dey come Manchester for medical, James Wilson fit pack hin load

Manchester United don confirm the Paul Pogba deal

Red Devils don confirm say Paul Pogba go fly enter Manchester today to do hin medical onAugust 8th, Monday. 

Manchester United don finally settle  Juventus and Mino Raiola, so Juve don give the French midfieder go ahead, say make hin go England, say no Champions League for am. 

This Pogba deal carry weight o, na the most expensive deal wey don happen for football history (i.e It pass when Real Madrid sign Ronaldo or when dem sign Gareth Bale). The deal big sote rival fans con dey jealous us onto say their clubs dey buy yama yama players. 

This na the breakdown of the transfer, na wetin Di Marzio talk sha. E talk say Manchester United go pay Juventus €105 million, then dem go pay Paul Pogba €5 million. Red Devils go pay the Juventus money for 3 years, as for the Paul Pogba own bar, dem go pay am if e renew hin contract after the one wey e wan sign expire or if dem sell am to another club for over €50 million. So the deal no reach £100 million onto say if you calculate everything, e dey around £90 million. 

Reports wey we dey hear from Sky Sports, na say Paul Pogba’s private jet don already leave USA. Them talk say the jet go land for Manchester in the next 40 minutes. 

James Wilson fit wakka commot, go loan again


In Other news, we dey her reports from ESPN, say Birmingham City wan to sign James Wilson on loan. E fit wakka commot onto say Jose Mourinho no get plans for am, even Bench e no fit warm. The kind depth wey United get for attack, mean say if James Wilson stay, e go dey play for Under-21 or Reserve team. Personally, i go advice am to go loan self, e fit turn star player for there. 

MORE: Mourinho don explain why em remove Mata

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s