Sunderland new manager David Moyes dey chook eye for Red Devils defenders Paddy McNair and Donald Love.
Reports wey we dey hear from Sky Sports, na say Sunderland and Manchester United don reach agreement for them two (Paddy McNair and Donald Love). We dey hear say the money wey Sunderland go table for two of the them na £5.5m.
Paddy McNair sabi play Centre-back and e sabi play Defensive-midfield. E bin play better ball during Louis van Gaal’s first season at OId Trafford but e bin struggle for hin second season. Now wey new Manager Jose Mourinho don enter, e no even get time for Paddy McNair self, now wey Eric Bailly and Paul Pogba don sign for United, e no fit see chance at all at all, na why the poor boy wan wakka commot.
Donald Love, na another of our pikins, wey dey tap ball for our Under 21 team, and as e never see chance to break into senior team, e fit be say the best thing wey go happen to am na to move go Sunderland onto say Jose Mourinho no get plans for am.