Manchester United manager Jose Mourinho don use style drop hint on the Red Devils player wey go be hin first choice for midfield.
As una sabi say Paul Pogba just wakka enter Old Trafford this summer from Juventus for world record fee, that one don already prove say e don already get shirt. Now Baba Special don use style talk say na him and Michael Carrick go play midfield for am.
“We get Michael Carrick, wey no dey panic. E fit play infront of our defence. The problem be say before, we bin no get that player wey we go pair with am, wey go make the midfield balance,” na wetin Mourinho yarn.
“Shey we go fit destroy the midfield of other teams for Premier League? I no think so onto say all the teams for this country dey hot.”
This talk wey Mourinho just drop don prove say na Carrick go Partner Paul Pogba, then Ander Herrera, Maroune Fellaini and Morgan Schneiderlin go warm bench.