Red Devils winger Juan Mata dey linked to Turkish club Fenerbahce after him and Jose Mourinho beef don start again.
Reports wey we dey hear from Turkish media na say the Fenerbahce wan use am replace Luis Nani wey wakka commot from their club and them dey ready to table £20 million.
I no just know wetin dey do the Directors of Fenerbahce, if dem think say Jose Mourinho go sell the Spanish midfielder for £20 million, dem dey craze. When common John Stones na £47 million, a whole Juan Mata go con be £20 million? Make dem pack well abeg.
Everton also dey linked with the 28-year-old, as Ronald Koeman go like make the Spanish playmaker, wakka enter hin club this summer.