Sunderland don confirm the signing of Manchester United duo Paddy McNair and Donald Love. Them two go reunite with former Reds boss David Moyes.
The reports wey we bin hear from Sky Sports na say Sunderland pay £6m for them (dem table £5m for McNair, while the remaining £1m na for Love).
If una go ask me, e make sense as dem wakka commot. These kind players no fit see shirt for Old Trafford as dem no be United standard. I fit understand Donald Love own, hin still dey play for pikins.. But i no just understand McNair, e play well for hin first season under Louis van Gaal but hin form last season dey inside dustbin. How McNair go be Manchester United player when e dey chop bench steady for Nothern Ireland team, and dem no too get players.
We sha wan wish them all the best with our former boss David Moyes at Stadium of light.