Timothy Fosu-Mensah ‘Timo Timo’ don renew hin contract with Manchester United

Red Devils star boy Timothy Fosu-Mensah don renew hin contract with Manchester United.

 

The reports wey we dey hear from James Ducker, na say the 18-year-old don sign four years contract with the Reds.  

Reports wey we bin hear say Baba Special wan purshue Fosu-Mensah go loan, don dey go down the toilet seat small small and one new hot amebo don commot say Manchester United wan offer am new contract. The Reds dey follow hin agent Jonathan Barnett talk.

The Manchester United pikin ‘Timo Timo’ na one of the best pikin players wey Red Devils get at the moment and if say dem for let am go, thunder for fire Jose Mourinho.

Wetin Daily Mail yarn na say, United and Baba Special don assure Timo Timo say e dey very important for the plans wey Red Devils get this season.

We also dey hear say Timo Timo go be under study to Antonio Valencia this season, na wetin James Ducker talk.

MORE: Manchester United winger Juan Mata dey linked to Fenerbahce

In other news, Fosu Mensah don also reflect on everything wey happen to am last season, as e take blow for Old Trafford.

“I dey reason say to knack ball for Manchester United na everybody’s dream. E dey make my head swell say i dey part of this club,” na wetin Fosu-Mensah yarn.

“The people (fans) wey dey support United ehn, dem too mush, na everytime dem dey standa for our back. The goal wey i bin set for myself last season na say i go play my first match for Red Devils senior team and as e take happen, e sweet me for belle.”

“I bin tap ball for 10 matches and i believe say it don improve me. I don learn from am self. The way last season take happen for me make sense.”

 

2 thoughts on “Timothy Fosu-Mensah ‘Timo Timo’ don renew hin contract with Manchester United

  1. Pingback: Transfer Update: Januzaj fit go Sunderland, Everton wan buy Mata, Wenger wan buy Evans, many more.. | MAN UNITED IN PIDGIN

  2. Pingback: Rio Ferdinand: Man City go carry 2016/17 Premier League title, Man United go finish 2nd | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s