E don happen, e don shele as den boys nack our opponents better flogging as we play our first league match. This boys Ehn, don improve well well pass lastym when Baba Philo carry us go this stadium wey we carry our leg go back empty handed.
As we come enter our amebo room we see as our fans dey run mouth, dey praise Baba Mou say he don bring fear enter our enemy body. See wettin den dey yarn me sef dey dance kukere for stadium as we pakurumo those small boys. We even say make we holla our boy Ander Herrera wey add one year to him football body even say he chop yellow money today..we dey hail you..
@Onflood_ : Oboi, our fans Neva start to enjoy awuf yet, but see as we dey play like say we take gbana for body.
@it_MZTope: Omo, see as we don turn 7up from Baba Philo time, to Baba Change as we nack first half goal.
@KennagqZlataan: My friend Hafeez for Ejigbo go don dey cry as he call Ibracadabra baba arugbo.
@Echecrates: Omo, no be wettin Una pay for be this Man united fans.
@YubbyThePundit: Zlataan Nwanne.
@rattlesnake: Every Ibracadabra goal Na hit!! from back to back to back.. Enemies if Una no like am, make Una fall inside canal.
@Layken_Odabo: if you no like this match, then u be enemy of football.
@ebuka_akara: Omo, I don miss this Manchester United side, the philo boys carry high blood pressure put for my body.