Samantha Jacquelinet talk say na as soon as Anthony Martial wakka enter Manchester United for £58million, her relationship with am con dey end small small, till e con finally shatter.
Samantha Jacquelinet talk say na as soon as Martial wakka enter Old Trafford, she notice say dem two no con dey relate well again.
She talk say Martial bin no know how to deal with all the attention wey e bin dey receive and she con talk say people dey treat footballers in England like kings.
“Everything con change after we move enter England. People for here, dey treat footballers for here as if say dem be kings. The money wey dem get too much and people too dey disturb them, e be like say dem dey live for another world,” Na wetin Jacquelinet yarn for Sun on Sunday.
“United carry am from small club wey hin dey before, give am fame and everything just explode like bomb. All dese small girls begin throw theirselves at am. Before we come ehn, People bin dey tell me say United na family club but that one na story jor. Off the pitch, nobody guide am. Manchester United don destroy my life.”