Roma & Napoli dey fight for Darmian, Riyad Mahrez to Real Madrid?

As day don break for street, make una chook una eye for here as we go dey update una on the latest transfers wey don happen for Premier League.

Roma and Napoli dey fight for Darmian

Napoli and Roma dey ready to fight for Darmian

 

Reports wey we dey hear from Sky Sports na say Italian clubs Roma and Napoli dey fight for Matteo Darmian. Jose Mourinho dey ready to sell the Italy international as e no even chook am for hin opening match day squad against Bournemouth. We dey hear reports say Antonio Conte dey chook eye for the guy matter.

As Antonio Valencia dey on top form right now, and Timothy Fosu-Mensah self don dey train with senior team, e mean say Darmian don fall out of favour with the new United boss and e dey eye move away from Old Trafford, after one bad season.

Inter Milan don give up on Daley Blind

Daley Blind dey for Jose Mourinho’s plans

The Serie A club bin dey chook eye for the Holland international, but as Daley Blind don show Jose Mourinho say e sabi play ball, e be like say Baba Special don get serious plans for the defender. The defender’s former boss Frank de Boer for like bring Daley Blind to San Siro but e don already accept say Mourinho no go let Blind commot. “Right now ehn, i dey reason say e dey very happy for United, e dey play with ginger but as time dey go sha, we go know.” na wetin Frank yarn.

Andreas Pereira fit go Middlesbrough?

We dey hear reports from Daily Mail, say Middlesbrough wan loan the 20-year-old United midfielder as the pikin don fall out of favour with new Reds boss Jose Mourinho. Boro bin wan buy am self, but United no gree sell, say na only loan dem fit do.

Riyad Mahrez dey reason Barcelona or Real Madrid move

Riyad Mahrez says he is happy with Leicester but would consider Real Madrid or Barcelona

The Leicester City winger don commot yarn say if Real Madrid or Barcelona reason hin matter, say e no go think twice, say e go wakka commot (i.e like the way Ngolo Kante move go Chelsea.) Riyad Mahrez bin tear net against Hull City, from penarity sha, but e no bin dey at hin best for the opening Premier League game of the season. “The Premier League na League wey make brain and i go like remain for here for long but two or three clubs dey ehn, wey if dem reason my matter, i go wakka commot,” na wetin Mahrez yarn. The 25-year-old don already play down Leicester City’s title hopes this season. “We no fit win the League again na, we no be Manchester United or Chelsea.”

MORE: Marcus Rashford don join Bad Gang – E don dey carry babe

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s