As Papa Ibro don score for hin first Manchester United and Premier League matches, the Swedish striker go wan continue hin fine form as e go dey reason say e fit tear net for Old Trafford on Friday night.
The former Paris Saint Germain striker go dey reason say e fit be the 20th player to score on hin Old Trafford debut for Premier League matter. Ibrahimovic go dey also pray make hin United career blow like dem Ole Gunnar Solskjaer, Dwight Yorke and Ruud van Nistelrooy. E no go wan flop like Jordi Cruyff, Federico Macheda and Nick Powell, people wey score for their first Old Trafford but con play rubbish later.
Man United Players wey don tear net for their first League match for Old Trafford
- Roy Keane – 18/08/1993 v Sheff Utd (2)
- Keith Gillespie – 29/10/1994 v Newcastle
- Jordi Cruyff – 21/08/1996 v Everton
- Ole Gunnar Solskjaer – 25/08/1996 v Blackburn
- Dwight Yorke – 09/09/1998 v Charlton (2)
- Ruud van Nistelrooy – 19/08/2001 v Fulham (2)
- Louis Saha – 31/01/2004 v Southampton
- Alan Smith – 21/08/2004 v Norwich
- Danny Welbeck – 15/11/2008 v Stoke
- Federico Macheda – 05/04/2009 v Aston Villa
- Mame Biram Diouf – 16/01/2010 v Burnley
- Robin van Persie – 25/08/2012 v Fulham
- Shinji Kagawa – 25/08/2012 v Fulham
- Alex Buttner – 15/09/2012 v Wigan
- Nick Powell – 15/09/2012 v Wigan
- James Wilson – 06/05/2014 v Hull City (2)
- Angel di Maria – 14/09/2014 v QPR
- Anthony Martial – 12/09/2015 v Liverpool
- Marcus Rashford – 28/02/2016 v Arsenal (2)
For the major five European Leagues last season, the only player wey tear net pass Ibrahimovic na Luis Suarez wey dey tap ball for Barcelona. Upon say Zlatan don old, e no affect hin form as hin minutes-per-goal pass every other player (minus Suarez).
Players wey tear net pass for major European leagues last season
|Player||Team||Goals||Age at end of season||Mins per goal|
|Cristiano Ronaldo||Real Madrid||35||31||90.9|
|Robert Lewandowski||Bayern Munich||30||27||88.5|
Na only seven weeks remain, wey go make Ibrahimovic turn 35 as e go celebrate hin birthday. Whether hin age go begin catch up with am na story for another day onto say with the way e take start hin career for United, Papa no wan slow down.
Seven different players, Alan Shearer dey among them self (twice), don score pass 20 goals for one Premier League season in their 30s. But the oldest player wey dey the list na Shearer at 33 in 2003/04. Shey Zlatan go fit add hin name to then list? Na time go tell.
Players wey don pass 30 years old but dem score pass 20 Premier League goals for one season
|Player||Age at start of season||Goals||Season|
The man wey go dey lead the defence line for Southampton on Friday na Virgil van Dijk, e go dey hope say e fit silence Ibrahimovic for the matc. At 6ft 4in, the Dutchman get height, so e go fit defend air balls against Zlatan wey be 6ft 5in.
MORE: David de Gea: “Paul Pogba na Special somebody”
Since wey e wakka enter Southampton 11 months ago, out of all the defenders wey dey Premier League, Van Dijk dey lead the race for person wey don clear ball with hin head pass, and person wey don win aerial battle pass.
Hin stats dey very impressive sote him na one of the five players wey don play every minute of Premier League since September last year. For the 35 matches wey e play, e commit 29 fouls and e collect three yellow cards.
Most headed clearances in PL since the first match wey Van Dijk play for Southampton on September 12, 2015
|Virgil van Dijk||162|
Most aerial duels won (defenders) in PL since the first match wey Van Dijk play for Southampton on September 12, 2015
|Player||Aerial duels won|
|Virgil van Dijk||165|
Most minutes in PL since the first match wey Van Dijk play for Southampton on September 12, 2015
|Virgil van Dijk||3150|
|David de Gea||3150|
As Van Dijk wakka enter Southampton and e blow, e no tey wey Holland call am, say make e come play for them in October 2015. Since then, e don become the power house of the Dutch defence sote e don start seven of their last eight international matches.
At 25 years old, Van Dijk don already turn star boy but e go wan add to hin stats, say e silence Ibrahimovic on Friday.
Most-capped Dutch defenders in PL history
|Player||PL apps||Netherlands caps|
|Virgil van Dijk||35||7|