Jose Mourinho Press Conference: Pogba go start, United Fans gots ginger us, Bailly na Powerhouse

Jose Mourinho press conference ahead of Manchester United v Southampton clash


The Reds manager Jose Mourinho don sharply run press conference ahead of the Premier League match wey Manchester United get against Southampton on Friday night for Old Trafford. 

The boss don yarn ontop some pressing issues wey dey worry United fans. 

The first issue wey Baba Special address na say Paul Pogba go play on Friday night. 

“Paul Pogba dey ready to play. The match wey we play against Leicester, some people no even train reach am for that match sef,” na wetin Mourinho yarn. 

“Pogba don already balance yansh well for here onto say e sabi the club and e sabi everybody. E no need time to adapt. The only thing wey e gots learn na my pattern of play.” 

“I sabi say Paul O never tap ball for pre-season but e don dey almost two weeks with us na.”
“Whether na Pogba wey go play or another person, change go dey everly happen or my team but our game play no go change.” 

Then the Boss con yarn say Manchester United fans gots play their own part, so dem go fit ginger their team to wakka commot with three points.  

Henry dey interview Paul Pogba

“If our away fans fit show support and make noise pass our own fans wey go reach 70,000, then wahala dey o,” Mourinho still dey yarn. 

“E sure me say Manchester United go ball sote teams go dey piss for body when dey wan play us.” 

The Boss con sharply clear the air on how long Zlatan Ibrahimovic go remain for Old Trafford. 

“E sure me say e go dey here for the next two years. Hin moral and ginger dey high.” 

“Papa Ibro na happy guy. I dey ask am about hin family, wife and pikins – I know say dem dey very important to am.” 

The last thing wey Jose Mourinho do before e wakka commot, na the hailing wey e give Eric Bailly. 

“Fashi say tension fit dey catch am onto say e dey play for United, e don balance well, e dey lead and e dey relate well.” 

MORE: David de Gea: “Paul Pogba na Special somebody”

Advertisements

One thought on “Jose Mourinho Press Conference: Pogba go start, United Fans gots ginger us, Bailly na Powerhouse

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s