Three things wey Man United gots do if dem wan knack Southampton: Pogba & Zlatan Time


Zlatan Ibrahimovic go lead Manchester United attack 

The next Premier League match wey Manchester United get na against Southampton, for Old Trafford. The match go happen on Friday Aug, 19th and Jose Mourinho and hin men go dey hope say dem go fit collect three points after the match finish. 

For the past two seasons, Southampton don give Red Devils wahala onto say na Ronald Koeman bin dey coach dem before, now wey Koeman wakka commot from their club and Jose Mourinho don enter Manchester United after Van Gaal pack hin load, the Reds go dey reason say dem fit knack Southampton home and away this season.

We wan sharply talk about the three things wey United gots to to wakka commot from Old Trafford with three points.

The first thing wey Jose Mourinho gots do na to start Paul Pogba. The thing wey make Paul O no play the first match against Bournemouth, na say the guy bin carry over one-match suspension from Italian League to Premier League. We dey hear reports from MEN say the 23-year-old dey fit to start on Friday, and e sure me say Jose Mourinho go wan use am. The Special One gots start Pogba along side Fellaini/Herrera.. If the French midfielder start the match, e sure me say we go knack Southampton apako.


Paul Pogba dey ginger to tap ball for Manchester United 

The second thing wey Manchester United got do on Friday na to bench Wayne Rooney and start Henrikh Mkhitaryan, onto say hin form don drop. Fashi say the England captain bin tear net against Bournemouth, if say na the Baba Roo of old, United for don win the match like 7-1 or so. The guy too spoil ball ehn. E dey possible say if Mourinho bench Rooney for one match, e go sit up. If una remember well, last season after Van Gaal bench Rooney for one match, hin form come back.

MORE: David de Gea: “Paul Pogba na Special somebody”

The last thing wey Manchester United gots do na to start Eric Bailly and Daley Blind for defence. We know say Chris Smalling fit start the match as e don come back from one-match suspesion but e go make sense if Smalling warm bench,  Baba Special fit bring am on from bench when we don dey lead like 3-0 to see if him and Bailly partnership go blend.

Na wetin we feel say go make United win the match. You fit drop your own opinion in the comment section on wetin you feel say go make Manchester United knack Southampton.


One thought on “Three things wey Man United gots do if dem wan knack Southampton: Pogba & Zlatan Time

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s