Reading don sign otu ‘Tyler Blackett’ from Manchester United

  • Defender wakka enter Reading to tap ball under Jaap Stam.
  • Na three-year contract wey the 22-year-old sign.
  • Blackett bin play 12 times for United but e bin dey on loan for Celtic last season.
4914

Tyler Blackett don wakka enter Reading, na three-years contract wey e sign 

Reading manager, Jaap Stam, don turn to hin former club Manchester United to sign defender Tyler Blackett (na permanent deal). The 22-year-old bin wakka go watch the match as hin new team, the Royals draw 2-2 against Brighton for Championship on Saturday. Na three-year contract wey e sign.

This na wetin Stam yarn for Reading official website: “As everybody sabi, Tyler na defender wey get skill and e don tap ball for United first team before. E fit play left-back or e fit play left centre-back. E get potential, no be small onto say e fast, and ontop defence matter, e strong and e sabi defend against set pieces.”

“For person wey sabi defend, e also sabi ginger for attack and na wetin we dey find for our squad.”

 

Tyler Blackett don play 12 matches for Manchester United first team, e play hin first match for the senior team in 2014. Last season, Louis van Gaal bin loan am to Celtic onto say space no dey for am.

MORE: Adnan Januzaj gots stop dey blame United and e gots impress for Sunderland, says Jamie Redknapp

E don also play nine times for England youth team. In 2014, e bin tap ball for their Under-21s. Him na the third player wey Reading don sign this summer, after John Swift and Liam Moore.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s