Jose Mourinho dey bring back the fear factor for Manchester United, says Rio Ferdinand 

Rio Ferdinand believe say Jose Mourinho dey bring back United’s fear factor


Red Devils Legend Rio Ferdinand don hail new manager Jose Mourinho as e talk say Baba Special dey bring back the fear factor wey Manchester United bin get before before. 

The Special One don splash big money to reshape hin squad this season and the kind players wey e sign ehn, na the ones wey carry weight like Paul Pogba, Zlatan Ibrahimovic, Henrikh Mkhitaryan and Eric Bailly.

Manchester United don start well for the 2016/17 Premier League season, dem knack Leicester for Community Shield and dem win their two opening League matches.

And former Reds defender Ferdinard believe say teams don dey fear Manchester United again just like how dey bin dey fear dem under Sir Alex Ferguson.

Premier League teams don dey fear Zlatan Ibrahimovic

“How e dey be now ehn, if teams wan play United and dey wakka enter tunnel, dem go be like ‘chaii, Omo na Zlatan be this o, na Pogba be that o, e don be for us’ and na how things bin dey before,” na wetin Ferdinand yarn for one interview wey e run with TalkSport.

MORE: Arsenal dey chook eye for Manchester United defender Phil Jones

“Sometimes you gots dey win matches inside tunnel. Them still gots prove say they don bad gan now, and the way them take knack Leicester for Community Shield epp for the matter.”

“As dem dey win dey go, the fear factor go dey increase.”

Paul Pogba and Zlatan dey lead the title charge this season

Rio Ferdinand believe say the difference between Louis van Gaal and Jose Mourinho na say the pattern and game play wey Van Gaal bin dey run, bin dey boring and the thing bin dey pain some of the players but dem no wan loud am but now wey Jose don enter and e give them freedom ontop pitch, everybody just dey happy, dey smile dey go.

“The biggest change wey dem don achieve apart from the players wey dem buy na say everybody mindset don dey believe say dem fit do big things,” Ferdinand still dey yarn.

“The last two years wey Van Gaal bin manage us, no be only United players lose hope, everwhere for Old Trafford bin dey dull.”

MORE: Ian Wright: Jose Mourinho don wake up the giant wey dey sleep for Manchester United

“The best thing wey Baba Special don do this season na the kind ginger wey e give the players, everybody dey put body for ball now.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s