Bastian Schweinsteiger no dey for Manchester United Europa League squad

The German midfielder name no dey the list wey Jose Mourinho submit to UEFA for Manchester United’s Europa League Squad, but hin name dey for Premier League squad.

Bastian Schweinsteiger of Germany waves during the International Friendly match between Germany and Finland

Baba Schwein name no dey the list for Manchester United Europa League squad 

Manchester United no chook Baba Schwein name for their Europa League squad. When the Reds bin dey bring out squad list for Premier League, hin name dey there but now wey dem don bring out list of the people wey fit tap ball for them, for Europe, hin name no dey.


So e mean say e no go tap ball for Group stage against Feyenoord, Fenerbahce and Zorya Luhansk.

MORE: Manchester United dey Group A for Europa League – Teams go hear am! 

The former Bayern Munich midfielder never play any match under Jose Mourinho. E don dey train wirh reserves self. Baba Special tell am say e fit leave Old Trafford if e want, but Baba Schwein talk say him no dey commot go anywhere, say e wan fight for shirt.

Mourinho don already admit say e go hard for Baba Schwein to tap ball for the club again.

Even small pikins like Timothy Fosu-Mensah and Axel Tuanzebe dey the list for United’s Europa League squad.


Morgan Schneiderlin, Paul Pogba and Fosu-Mensah 

Fosu-Mensah bin play Jose Mourinho’s first match against Wigan but e never play since then under the new manager.

Last season, Louis van Gaal bin promote Tuanzebe, 18-years-old, to first-team squad. Baba Special even include the pikin for hin pre-season tour wey happen for China.


The first match wey United get for Europa League go happen on September 15.

This na Manchester United Europa League squad


David de Gea, Sergio Romero, Sam Johnstone


Eric Bailly, Phil Jones, Marcos Rojo, Chris Smalling, Luke Shaw, Timothy Fosu-Mensah, Antonio Valencia, Matteo Darmian, Axel Tuanzebe


Paul Pogba, Juan Mata, Jesse Lingard, Michael Carrick, Daley Blind, Ashley Young, Ander Herrera, Henrikh Mkhitaryan, Marouane, Fellaini, Morgan Schneiderlin


Memphis Depay, Zlatan Ibrahimovich, Wayne Rooney, Anthony Martial, Marcus Rashford


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s