Zlatan Ibrahimovic don reveal why e choose Mancheter United after e reject Arsenal and City


Zlatan Ibrahimovic don score four goals, for four matches for Manchester United 

The Swedish striker don reveal why e tell Manchester City and Arsenal to enter gutter when dey bin wan sign am – but e no fit refuse Red Devils when dem reach hin bus stop. 

Zlatan Ibrahimovic don reveal why e wakka enter Manchester United – after e reject rivals City and Arsenal.

Reports wey we dey hear from Manchester Evening News, na say when Jose Mourinho call am, e no fit talk ‘no’ as all hin body dey hungry am to work with Baba Special again. The way dem two take gel for Inter Milan, make brain.

“E remain small make i wakka enter Premier League before o – one time Arsenal bin dey purshue me, and another time Manchester City con dey purshue me,” na wetin Zlatan yarn.

MORE: Luke Shaw fit miss the Manchester derby – Wahala don happen

“But it no happen onto say i tell myself say i no wan tap ball for Premier League.”


Zlatan Ibrahimovic bin reject Man City and Arsenal to join United 

“But Mourinho na the mastermind na, hin brain dey work wella. E sabi the strings to pull if e wan win match. I learn many things from am when we dey Inter. In short ehn, who no go like make Mourinho manage am?”

Zlatan Ibrahimovic don score 4 goals, for hin first four competitive matches and United fans dey pray make e continue hin fine form.



Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s