Andreas Pereira: Manchester United go cause serious Havoc this season

andreas-pereira-manchester-united-708215

Andreas Pereira dey learn for for Granada (Loan) 

Manchester United go cause serious Havoc this 2016/17 season, na wetin the midfielder Andreas Pereira yarn. 

Andreas Pereira bin fall out of favour under former manager Louis van Gaal last season sote Baba Philo tell am say make e go train with Under-21s.

However, as Jose Mourinho wakka enter the club, the 20-year-old don get small hope as Baba Special tell am say, make e go learn work small for Granada (loan), and e assure am say if e turn Star Boy for there, e go see chance for Manchester United when e come back.

The Brazil U23 international admit say Jose Mourinho don make big impact at Old Trafford and e believe say United go ’cause havoc’ this 2016/17 season.

“This don change wella since wey Jose Mourinho wakka enter o,” na wetin Pereira tell Brazilian reporter Globo Esporte.

“Ibra wakka enter, Pogba wakka enter and everywhere con dey strange… it con be like say him (Pogba) go long holiday and hin just dey come back! The new players go epp the team plenty plenty.”

img_1027

Andreas Pereira believe say Manchester United go cause havoc this season 

 

“This don change since wey Mourinho enter – everybody don dey put mind for ball and dey ginger to tap ball. I dey reason say this year ehn, Manchester United go cause havoc.”

MORE: Bastian Schweinsteiger no dey for Manchester United Europa League squad

“When e wakka enter, everybody sabi say him na prof prof. Just by the way him dey standa self, you go know say him sabi wella. The only thing wey dey hin mind na to win – Na only football e dey think about.”

 

 

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s