“Man City go lose their fans to Manchester United” Yaya Toure agent don yarn

Yaya Toure

Yaya Toure never play any match for Man City this Premier League season, Guardiola no like am

Manchester City go lose their African fans ontop the way Pep Guardiola dey treat Yaya Toure, na wetin the Ivory Coast midfielder’s agent yarn. 

Toure, wey be 33, no dey part of the Man City squad wey go tap ball for Champions League group stage as Pep Guardiola no gree chose am.

Hin adviser, Dimitri Seluk, believe say this yama yama decision wey Guardiola do, say e no choose the four-time African Player of the Year winner, go vess plenty people for Africa.


“Them go lose millions of supporters from Africa ontop this yama yama thing wey Guardiola do,” na wetin Seluk yarn for Sky Sports. “And these people go begin support Manchester United. Many people wey dey Africa, talk say dem no go watch Man City match again on TV, say Thunder fire Pep and City.”

Toure never make starting lineup for Man City this Premier League season, e never even make bench self, as the new City coach get serious beef with am.

The only match wey the Ivory Coast midfielder don play for City na the Champions League playoff second leg against Steaua Bucharest, match wey don already for first leg after City knack dem 5-0 in Romania.

MORE: Manchester United capo Wayne Rooney don set new record for England

“When January reach, Yaya go wakka commot from this club wey dey smell,” Seluk still dey yarn. “Many clubs go wan sign am from China and America.. even self, e sure me say clubs from England and Europe go wan buy am.”


“E dey very good shape, e full ground. I dey reason say e don lose weight small.”

“Maybe na why Pep Guardiola no like am, but this same Pep Guardiola na the person wey talk say Zlatan Ibrahimovic no good when e bin dey Barcelona.”

Toure fit play ball for Man City, for Premier League but e sure me say Pep Guardiola no go put hin name for the Manchester Derby, fashi say Sergio Aguero don receive suspension.


Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s