Everything to Ginger Una for Watford vs Manchester United

Watford vs Manchester United

Manchester United dey waka go Vicarage Road for our next English Premier League match wey we go dey for Sunday around 12:00p.m for Western Africa Time. And as usual we go dey drop all the match tori for una as e dey hot on top our twitter page for @manutdinpidgin. Make una sharply go purshue us for twitter so una go dey enjoy ogbonge tori wey concern our one club Manchester United. Our celebrity guest for the twitter page na Bros Ruggedy Baba and hin go dey follow us yarn all the matter wey dey pain am as Manchester United don fall all our hand and wettin hin wan see for inside this match. 

Fear don dey catch me for Manchester United because market never sell for us inside the last two matches wey we don play. E be like say Sir Alex Ferguson carry Manchester United career go and Baba Philo jazz wey in use on top our players never clear finish as the kin rubbish wey dey happin just tire me. E kon be like say we dey go back Egpty when we don dey happy say our promise land no far.

In fact all the players join #POGBACK and #DaretoZlatan dey do rubbish fa. Oga Mourinho kon join for the confusion as hin never sabi person wey he wan dey start and who hin wan dey bench. Some people dey say the players never gel na why……mtchew no be only gel na surgery. If dem like make dem do surgery my own be say make dem start to dey tap ball wey go sweet our belly and make dem start to dey win-shey I dey talk una mind. Anyways make we leave tori for tori people our own na make dem enter pitch tap correct ball.

Small Tori Tori about Dis Match

Watford striker Stefano Okaka get one kwekwe woundjure wey hin carry inside their match against West Ham and wey no go make am tap ball for one month. Younes Kaboul and Sebastian Prodi go do last minute check-up as demself be woundjure small for inside the match wey dem tap against West Ham.

For our side Bros Rooney a.k.a Papa Kia, Oga Valencia a.k.a One way, and Luke Shaw don full ground ready for this match as dem no follow waka go Holland go play against Feyenoord inside Europa League. Eric Baily – Olu Omo 1 of Manchester United defence go get last minute check-up because of woundjure wey hin get against Feyenoord but no shaking the Bros get African blood and hin strong die plus hin jazz baba never die so hin go tap ball for the match. Henrikh  (Miki-Miki) still woundjure so hin no go dey.

Proper Proper Match Tori

Head-to-Head

  • The last time wey Watford be flog Manchester United na 16 September 1986 – chai this people no just sabi kobo kobo. Na one guy Iwan Roberts score for dem and na 1-0 the match end.
  • Manchester United don flog Watford 11 times back to back inside all competitions – make the flogging continue for inside this match oh.

Watford

  • The Hornets (see the kin nickname dem dey bear sef) dey try to win back to back matches inside league for the first for 2016.
  • Dem fit lose three back to back matches for their house for the first time since 1988. Na only two times Watford don lose their opening three matches for house inside league season: 1990-91 and 1991-92.
  • Dem don already get five different goal scorers inside Premier League and for last season na 20th December dem fit reach that kin level for last season.
  • Their manager Walter Mazzarri don use 22 players inside Premier League this season and na 18 different countries dem come from.

Manchester United

  • Manchester United don win all the four former Premier League matches wey we play before we kon lose for house inside that Manchester derby.
  • We fit win our opening three Premier League away matches inside one season for the first time since 1993.
  • Oga Jose Mourinho don win all hin three former matches as coachie against Watford with ogbonge combination score line of 8-0.
  • Bros Rooney be need one goal for am to become the Premier League’s number one top scorer inside away matches. Na hin and Alan Shearer be dey top together with 87 goals.

Even though Manchester United dey fall our hand I still dey believe say dem go fit win this match and Bros Zlatan go follow join for people wey go score.

 

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s