Five things wey we observe as Manchester United knack Zorya Luhansk 1-0 

Na Zlatan Ibrahimovic tear net for Manchester United against Zorya Luhansk

Jose Mourinho and hin Red Devils men don win their first match for Europa League as Manchester United knack Zorya Luhansk 1-0. The person wey score na Zlatan Ibrahimovic, after Wayne Rooney error shot reach hin domot. The Red Devils no too ginger for attack, but i dey thank God say we wakka commot with three points.

We wan sharply talk about the five things wey we observe for the match:

Paul Pogba no too play well today but e try sha 

The first thing wey we observe na say Manchester United bin play like say dem dey confused for attack, for first half. The best chance wey dem see for first half na the one wey Marcus Rashford shoot wey knack bar, knack floor commot. Apart from that one, na half chances wey United bin see.
The second thing wey we observe na say Wayne Rooney impact the match when e enter. Fashi say the assist wey hin get na error shot, the truth be say Baba Roo ginger for attack when e enter pitch. Who Lingard Epp tonight self? As e wakka commot with hin bad luck, we tear net.

The third thing wey we observe na say Zorya Luhansk no sabi play ball. Almost all their balls today na error. If say dem sabi play, dem for don worry United, but the honest truth na say dem no worry United at all. All their counter na dead, i no even understand their game self. All their counter dey end up for throwing line. E be like say fear catch dem say na Manchester United dem dey play.

The person wey do assist for Zlatan na Wayne Rooney 

The fourth thing wey we observe na say Timothy Fosu-Mensah play wella tonight. The way him and Marcus Rashford take link up make brain and e no too do error tonight. The times wey the pikin overlap, Eric Bailly bin cover for am.

MORE: England: Sam Allardyce fit reason Man United star Jesse Lingard for senior call-up

The last thing wey we observe na say Eric Bailly dey try wella for defence but make e dey try change the way e go fly enter person front with high boots. E remain small e for commot person ear this night. After that one, e fly enter person body with high boots again and ref con give am yellow. If na match wey ref dey against us now, e fit collect red card. Abeg o


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s