Jose Mourinho don react ontop the 1-0 knacking wey Man United give Zorya Luhansk

ctjil6cxeaath-3

The Boss don react ontop the 1-0 knacking wey Manchester United give Zorya Luhansk

Jose Mourinho believe say the 1-0 victory wey Manchester United get against Zorya Luhansk dey very important, as the Reds go like wakka commot from group stage enter knockout stage of the Europa League. 

After the match finish, Red Devils Boss wakka ontop MUTV na BT Sport and e yarn hin mind on how him take view the game for hin post-match press conference…

VICTORY DEY IMPORTANT

“Ehen na, e dey hard. We bin see many chances for first half, if say we fot tear net then, the match for dey different, but we no fit score. All the time, Zorya no gree commot from defence, dem dey very organised. Na counter attack dey bin wan use worry us. The game bin dey hard but e dey important say we knack dem.”

WE GOTS REMAIN FOCUSED

“One week – three different teams knack us, another week show face – we knack three different teams. When we lose three matches straight, i bin no dey depressed and now wey we don win three matches straight, i no dey carried away. Another match dey for us on Sunday (against Stoke) and na the most important match we get this week be that.”

WE GET PLENTY MEN WEY SABI BALL

“Well, from the time wey ref blow whistle make match start, i bin dey wait make we tear their match but e no happen. You no fit know wetin fit happen, make i no lie, Romero con make one mad save and the match remain 0-0. We believe say we go knack dem and i bin get plenty man ontop bench wey fit impact the game. I bin play three of them; na so so attacking players full my bench. Anthony Martial bin give us speed when Zorya people bin dey tire.”

Eric Bailly bin play well for the match

ROONEY BIN CONTRIBUTE

“E bin dey laugh when i tell am say na him do assist. When e enter pitch, e do wetin the team been need, e show hin presence. E get striking sense pass Juan Mata and Juan con move go the right hand side (When Rooney enter match). The players wey start the match make brain and the players wey dey bench, na the type of people wey fit offer me solutions for everything.”

Na Zlatan Ibrahimovic tear net for Manchester United 

IBRA IMPACT

“Him na player wey carry weight. Even when him no dey score goals, e dey offer many many things to the team, the way him dey take move, the way hin dey lead for attack. Anytime wey i tell people about hin age, dem no go believe. The koko na say hin get quality, wey make sense.”

PEOPLE WEY DON WOUND

“Make we dey see sha, make tomorrow come, but yes, almost everybody fit play. But Phil Jones own na long term injury.”

MORE: Five things wey we observe as Manchester United knack Zorya Luhansk 1-0 

WE DEY CHOOK EYE FOR STOKE MATCH
“We know say the match against Stoke go tough, the truth be say e no matter where dem dey for table, dem get good team and their manager sabi. I no dey look table, na their quality i dey look.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s