United winger Memphis talk say e dey pain am say Mourinho no too dey use am

Memphis dey ginger to see chance for United

Red Devils winger Memphis Depay don react ontop the role wey Jose Mourinho give am this season. The Netherlands international no dey happy say hin never too see chance to tap ball this season but e dey pray and hope say hin chance go come to impress Baba Special. 

“Things dey go well ontop training pitch na. I dey fresh, i full ground,” na wetin Memphis yarn for one interview wey e run. 

“Mourinho na great coach, e don yarn me say e believe me gan. E don yarn am for public and hin tell me personally sef.” 

“I no wan yarn about last season. Na something wey happen for past, so i don commot am from my mind. I know say i suppose tap ball pass wetin i do sha.” 

“I no wan be the type of player wey go enter match when the game don almost finish. I no dey happy onto say na Manchester United i dey now. Fashi say na my dream club and all, i go like dey involved ontop pitch.” 

“E dey pain me when i see say i no dey for some match day squad. See ehn, i be like loaded gun wey dem never fire, the day way i go see my chance, i go use am well.” 


Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s