Juan Mata’s Blog: We go soon begin reap the rewards of the Good Football we dey tap

juan-mata

Na Juan Mata tear net against Arsenal 

As today na Monday, Juan Ikeji don come again with another episode from hin blog.

My People How una dey,

E dey do me for body like say i don write this kind tori before. This tori wey i write today resemble the one wey i write that time sha, but dem dey different small. As Ref blow final whistle against Arsenal, everybody just vess ehn, e pain us. Against Arsenal, na game wey i feel say we do everything possible to knack dem, but last last na only one point we collect. The whole team try sha, we bin see many chances, we bin dey lead dem when the 89th minute knack, but the match still end draw. The weekend for don make sense, if say we knack dem but e be sad one but we gots dey positive. The way we take tap ball against them ehn, we show say dem no be our mates. The way we take ginger against them, dey show say very soon, we go soon begin reap the rewards from our hardwork. We suppose don collect 9 points but na only 3 points wey we collect from our last three Old Trafford matches. But i wan focus on the fact say, if we continue dey tap ball like this, better things go begin happen. This kind results fit weak person moral but we sha know say e no fit stop us from our goal, to continue dey improve. Many games still dey.

Na two more games wey we get for Old Trafford this week and we wan show our fans say we get am for body… E dey make my head swell say i fit tap ball for club wey get many supporters, people wey dey yori yori ontop our matter regardless of the results. The first of the two matches na against Feyenoord. E dey very important for us to knack dem if we wan wakka enter next round of the Europa League. The second na against West Ham, in the Premier League.

Make una enjoy una week. Make we Hug,

Juan

Advertisements

One thought on “Juan Mata’s Blog: We go soon begin reap the rewards of the Good Football we dey tap

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s