Five things wey we observe as United draw 1-1 against Everton: Mourinho no dey special again

cy2ewcxxuaeh9y6

Some People go talk say na bad luck, others go talk say na Maroune Fellaini cause am but the truth be say Jose Mourinho dey mess up. Na so e take do another blunder as Manchester United draw 1-1 against Everton. The person wey score for United na Zlatan Ibrahimovic. The person wey score for Everton na Leighton Baines, after Maroune Fellaini go dash dem Penarity. This match dey painful onto say e remain small wey United for wakka commot with three points but now na only one point dem collect.

We sharply wan talk about the five things wey we observe for the match:

The first thing wey we observe for the match na say Jose Mourinho no dey special again. Na only hin past glory dey save am. But the truth be say, for the past two seasons, na average coach, wey dey make average decisions. The fact say United don win only 2 matches out of their last 11 Premier League matches na worrying stats. The one wey pain fans today, na when e commot Mkhitaryan and e replace am with Fellaini, wey go dash Everton penarity. The matter too weak everybody. Three points wey suppose dey inside bag, na hin Mourinho go throway like that.

The second thing wey we observe na say Manchester United play well today. Dem dominate game but dem no fit kill the game off. The person wey try pass for the game na Mkhiytaryan, e too put body for ball and e don prove say the money wey United put ontop hin head, say e worth am. The only problem wey dem get today na say Paul Pogba too slow game, e no dey release ball on time and e spoil some of United attack.

The third thing wey we observe na say Phil Jones and Marcos Rojo bin try wella today. Fashi say Rojo suppose collect red card for that hin nonesense tackle. As Ref no give am red, the guy con relax small but e still play better ball and e mark wella. Phil Jones, on the other hand, e ball fire. E no give anybody chance and e win plenty balls with mad tackle.

The fourth thing wey we observe na say e dey very bad to go defensive when you dey lead by only one goal. Na the same mistake wey Mourinho make against Arsenal, when e put Schneiderlin, na hin e make when e put Fellaini. We just dey hope say Baba Special don learn hin lesson.

The last thing wey we observe na say Manchester United fit no finish for Top Five (5) this season. Them just dey drop important points. Now, dem don commot for title race, and very soon, dem go commot for top fout race because the gap don dey wide.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s