Five Things wey we observe as Manchester United knack Middlesbrough 2-1

The way Manchester United take dey wakka enter 2017 make brain, as dem knack Middlesbrough 2-1 for Old Trafford, on Sir Alex Ferguson’s birthday (Dec 31st).

Na small thing remain make Middlesbrough win 1-0 onto say dey bin dey lead Mourinho’s men as at 84 mins, but The Red Devils French men, Anthony Martial and Paul Pogba, tear net to make am 2-1 in less than 2 minutes (between 85mins & 87 mins). 

As The Red Devils win today, e mean say dem don win their last Five (5) Premier League matches in a row. Na good sign o, even if Mourinho’s men still dey for sixth position, dem don put tension on the teams wey dey above them. Also, Manchester City and Liverpool dey face eachother, so person must drop points. 

We wan sharply talk about the five things wey we observe for the match: 

The first thing wey we observe na say Jose Mourinho bin get hin starting formation wrong today as e start Chris Smalling, Eric Bailly and Maroune Fellaini but na luck save am say the fighting spirit for Manchester United dey high, na wetin make dem wakka commot with three points today. I no even sabi the impact wey Fellaini get for the match. For attack, e just dey head ball like mumu. For defence, dem just dey dribble am like vanishing spray. 

The second thing wey we observe for the match na say Eric Bailly and Chris Smalling partnership no gel today at all. On many occasions, the defence bin fall apart but na God save us say Middlesbrough sef confuse. For the Goal wey Middlesbrough score, i go blame Smalling. E just dey standa like Statue. E go make sense if Mourinho return back to Marcos Rojo and Phil Jones against West Ham. 

The third thing wey we observe na say Paul Pogba don dey prove hin worth. The way the guy just dey fling long passes as if say hin be Paul Scholes make brain. Him also get hand for the equalizer wey United get. Na him fling long ball give Zlatan, wey head am down for Martial to finish. We just dey pray make Paul Pogba continue like this, onto say our team don dey build moral to finish for Top Four. 

Another thing wey we observe na say the substitute changes wey Jose Mourinho do today make brain. As e bring in Marcos Rojo for Daley Blind, Juan Mata for Maroune Fellaini, and Marcus Rashford for Chris Smalling. E show say e bin wan collect three points, even when United bin dey lose 1-0. Na Marcus Rashford ginger pass all the subs, but na Juan Mata do assist for the winning goal wey Paul Pogba score. 

The last thing wey we observe na say the fighting spirit/moral don dey high for Manchester United. Na wetin make dem win today’s match. Personally, i believe say United go finish for top four and e good as our men dey ginger to achieve am. 


2 thoughts on “Five Things wey we observe as Manchester United knack Middlesbrough 2-1

  1. The game make sense Die the only comma Wey dey na say our afro bobo Fellani no gel inside the match. I praise the boys sha them try well well.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s