Everything to Ginger Una for Blackburn vs Manchester United

fa-cup-logo

Competition: FA Cup -Fifth Round

Date: Sunday, 19th February 2017.

Time: 5:15 pm

Venue: Ewood Park

Our FA Cup defence dey continue as we dey waka go jam Blackburn Rovers for house. The match go dey happin tomorrow Sunday 19th February, 2017 by 5:15 pm for 9ja time. Una fit follow all the match tori as e dey happin for our twitter account @manutdinpidgin. Make una still no forget to like our Facebook page, our picture for Instagram, and our videos for YouTube……everything na one account @manutdinpigdin.

The match wey we be play for Europa League against Saint-Etienne no too make brain like that as Oga Mourinho and plenty fans no too happy with the way we take play for first half but the koko of the matter be say we be win the match and we get one leg inside the next round of the competition. This one kon mean say we never chop am inside 5 matches-4 wins and 1 draw and on top that one we don keep 5 clean sheets.

Blackburn for their own side they suffer as their form no make sense at all. Them don commot for team wey dey fear people for Premier League enter team wey dey manage find stay inside EFL Championship-in fact them fit relegate as their matter they go so. Though some people go dey yarn say na we get form and we suppose brush them commot like fly wey dey disturb person but truth be say football no be mathematics and we gats take the matter serious the way we take serious against Wigan and Reading unless these people fit off our pants. And another thing we gats remember be say them be commot Blackpool 2-0 for the former round so that wan mean say the ginger still dey their body.

Finally this match go dey carry one of our faithful pikin come face-to-face us as Wes Brown wey Sir Alex Ferguson be call “the number ogbonge defender wey United don get for years” go dey this match. Hin dey combine playing together with coaching of their Academy…..hin don show for some of their matches and chance dey say hin fit play for this match.

Tori Tori about Dis Match

martial-man-utd-fa-cup

Anthony Martial don join hand for 9 goals inside hin 8 FA Cup showings (3 goals, 6 assists).

For Blackburn door mot Hope Akpan and Elliott Bennett no go dey as dem dey serve punishment for wahala wey dem do. Lucas Joao no fit play for the match because hin don show for another team. Their pikin wey them borrow Sam Gallagher sef no go dey after them be use needle and thread sow hin woundjure. Tommy Hoban and Corry Evans sef no go dey the match as them never well finish.

For our own door mot, Henrikh Mkhitaryan (Miki-Miki), Wayne Rooney a.k.a Papa Kia and Bros Carrick fit no dey the match as them be miss our Europa League match sef. But Phil Jones suppose dey fit after hin be woundjure hin foot against Hull City.

Proper Proper Match Tori

Head-to-Head

  • The two teams last jam each other inside FA Cup for 1984-85 and na Manchester United be win the match by 2-0 inside fifth round and na them still carry the trophy that season;
  • The last time Blackburn flog United for FA Cup na for 1927-28 season inside sixth round. Them flog United 2-0 and na them kon carry the trophy that season;
  • United never chop am inside the last six jammings wey happen for Blackburn house (W3, D3).

Blackburn Rovers

  • Them don win only one time inside their last four matches (D1,L2);
  • Them don chop am only one time inside the last five games wey happen for Ewood Park inside all competitions (W3, D1);
  • Them don win FA Cup 6 times;
  • Wes Brown be play inside 3 FA Cup finals with Manchester United. Hin follow win the trophy for 2004 but hin dey losing team for 2005 and 2007.

Manchester United

  • Them don win 4 inside the last 5 matches wey them play inside all competitions;
  • Them don chop am only once inside the 9 former away matches wey them play inside all competitions (W6, D2);
  • Them don win their two former FA Cup jammings of this season by 4-0 against other teams wey dey Championship (Reading and wigan);
  • Them never chop am inside FA Cup away match wey them jam any team for lower division since Bournemouth be flog them 2-0 inside third round for 1983-84 season;
  • Anthony Martial don join hand for 9 goals inside hin 8 FA Cup showings (3 goals, 6 assists).

We get better form and if play better game we suppose fit nack them like 0-3 as per na them dey house or make we just continue our 0-4 matter wey we dey do FA Cup……una fit drop una own prediction for the comment box below or make una predict for our twitter handle @manutdinpigdin…..#GGMU.

 

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s