Five Things wey we observe as Manchester United draw 1-1 against Bournemouth: Mourinho mess up

Today na one of the worst days for Manchester United fans after Red Devils play 1-1 against Bournemouth for Old Trafford. Na Pubic disgrace. The person wey score for United na Marcos Rojo. This match get as e be ehn, e start like say Manchester United wan win like 8-0, but all the steam wey dey our players body, con commot, and dey con dey play like moron, wey make am end 1-1. We don blow big chance in the race for top four.

We wan sharply talk about the five things wey we observe for the match:

The first thing wey we observe na say this na one of the worst matches wey Zlatan Ibrahmovic don play for Manchester United. The amount of chances wey hin miss yakpa. E even miss penarity self. E suppose collect red card, but ref pity am, leave am for pitch after e go elbow person. After that fine performance wey e show for EFL Cup final, e shock me say e play like mumu today. E shock me say e play 90 minutes today sef. Mourinho just dey bias for this guy side. No matter the thing wey Zlatan play (Whether na good or bad), e go play for 90 minutes.

The second thing wey we observe na say our attackers too dey wasteful. Juan Mata, Wayne Rooney, Zlatan Ibrahimovic and Anthony Martial miss chances ehn. See ehn, i no sabi wetin our players dey do for training, wey dey make all goalkeepers turn to prime buffon. The matter don tire me.

The third thing wey we observe na say Jose Mourinho use hin hand, spoil the game for Manchester United. The three substitions wey e make (Rashford, Lingard and Fellaini), na error as all of dem dey play for strange positions. Fellaini dey play DM, e play like mumu as usual. Lingard wey enter for Shaw, bin play left-wing back and e no get single impact for the match. Rashford self, wey dem put for Rooney, play rubbish. E no dey effective for that right wing at all.

Another thing wey we observe na say the only people wey play well for Manchester United today na Marcos Rojo and Antonio Valencia. E be like say na only dem chop, come field. The rest of our players play like mumu. Luke Shaw try too sha, but all round, hin performance no reach wetin i go call standard.

The last thing wey we observe na say the only thing wey fit make Manchester United qualify for Champions League, na if dem win Europa League. As the table be so ehn, dem dey 6th for 138 days and counting. Their goal difference self dey inside gutter. The way things dey go, if dem no carry Europa League title, dem fit find demselves for Eupora League next season again.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s