Five Things wey we observe as Manchester United knack Sunderland 3-0

Today na Good  day for Manchester United fans onto say the Reds knack David Moyes and hin Sunderland team 3-0 for Stadium of Light. The way things dey look for Moyes and hin boys, e be like say dem go relegate. On the other hand, Mourinho’s men don dey on 57 points (4 points behind Man City wey dey fourth place). The people wey score the Reds na Zlatan Ibrahimovic, Henrikh Mkhitaryan and Marcus Rashford.

The next match wey the Reds get na first leg Europa League quarter-final tie against Belgium side Anderlecht on Thursday night (Na away match). After that one, dem go wakka enter Old Trafford to face Chelsea. The match wey dem get against Chelsea na must win, onto say if dem lose am, make dem forget about top four.

We wan sharply talk about the five things wey we observe for Sunderland v United match:

The first thing wey we observe na say Manchester United play better ball for the whole match. Dem hold ball wella and dem manage tear Sunderland yansh three times. This season, e be like say our players prefer away match to home match. The last three away games wey we don get for League, we don score three goals each. But if say na for Old Trafford now, dem go dey struggle to score one. Wetin wey i see for pitch today impress me. I just dey pray make dem carry the good form enter Belgium, so dem go fit knack Anderlecht.

The second thing wey we observe na say our defenders and Sergio Romero try wella today. The only small scare wey happen, na when Anichebe bully Darmian or when e use sense turn Eric Bailly but Sergio Romero block the shot. If say that guy for score there, the match for dey different. We wan thank God say na clean sheet wey Romero keep, e deserve am self.

Another Thing wey we observe na say Maroune Fellaini try for Captain role today. E play better ball (win tackles, play better pass, intercept Sunderland balls). From everything wey we don observe for far about this guy, e be like say e go dey Manchester United next season. This one wey Jose Mourinho make am captain today, e be like say Baba Special trust am.

Another thing wey we observe na say our midfield strong today. Paul Pogba get average game sha but e no too spoil ball. But e gots improve hin game next season or else e fit dey collect bench when better players enter Manchester United. Ander Herrera on the other hand, play better ball, ginger for attack and na him wey give Sunderland player red card self. Na also him wey do assist for the goal wey Zlatan Ibrahimovic score.

The last thing wey we observe na say we no dey sure if Manchester United go finish top four but e better make dem dey fight till the season end, than make dem give up like how Chelsea take give up last season… Although, our main focus na Europa League, to carry the title but i still get belief say if things go the way of the Reds, dem fit carry Europa League and finish 4th.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s