Five Things wey we observe as Manchester United draw 1-1 against Anderlecht


c9usyuoxkaedf4jToday na sad day for Manchester United fans as the Reds bin play 1-1 against Anderlecht for their Europa League first leg tie, wey happen for Belgium. The person wey score for the Reds na Henrikh Mkhitaryan, after e tap in from the save wey Anderlecht keeper make from Marcus Rashford’s shot.

The only thing wey dey good about today, na say Manchester United score away goal, wey dem go carry enter Old Trafford next week. We dey hope say United go knack dem apako, so Jose’s men go fit wakka enter Europa League semi final. The next match wey the Red Devils get na against Chelsea on Sunday.

We wan sharply talk about the five things wey we observe for the match:

The first thing wey we observe na say Manchester United play wella for first half, but they con play rubbish for second half. Some of the players wey try na Marcus Rashford, Antonio Valencia, Marcos Rojo and Henrikh Mkhitaryan. The second half no just get direction and the subsitutions wey Jose Make (Martial for Lingard, Fellaini for Rashford), con spoil the match more self.

The second thing wey we observe na say Jose Mourinho use hin own hand draw this match. All the changes wey e make tonight na error. E shock me say Anthony Martial play rubbish but the truth be say e play total nonsense, e no even fit dribble one player. The biggest sub disaster na Fellaini wey e bring in for Marcus Rashford. I no know wetin Fellaini come do for this match. Whether e come look Uche face, or e come mark. The equalizer wey Anderlecht score, e get hand for the goal (Hin laziness)

Another thing wey we observe na say Anderlecht self no sabi play ball. Upon say dem dey their own stadium, na so dem struggle to see draw. E hard dem to see chance and if no be for Fellaini, dem for don lose the match. E sure me say Manchester United go dismantle dem for Old Trafford next week.

Another thing wey we observe na say Zlatan Ibrahimovic and Paul Pogba no too play well tonight. If say dem two dey at their best, United for don win the match. The number of error passes wey Zlatan do tonight plenty ehn and Paul Pogba on the other hand bin suppose make the match 2-0, when e see clean one on one chance but e go waste am. If say e score that goal, the match for dey different. Na the story of United’s season ‘Miss Miss Miss’.

The last thing wey we observe na say Manchester United try all round for the match, if you wan consider say na away match again. Our midfield control the game from start to finish. Even our defence self try, Marcos Rojo and Eric Bailly hold ground, wey make dem no too see chance to test Sergio Romero.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s