Five Things wey we observe as Manchester United draw 1-1 against Swansea: Dem dey play rubbish

Today na sad day for Red Devils fans as Manchester United draw 1-1 against Swansea for Old Trafford. The person wey score for Jose Mourinho’s men na Wayne Rooney, after Marcus Rashford win penarity inside box. Na the 14th game wey the Reds don draw for Premier League this season. The Reds don go 25 matches unbeaten for League, but if una go ask me, na the worst unbeaten run wey i don see for my life.

We wan sharply talk about the five things wey we observe for the game:

The first thing wey we observe na say fatigue dey affect the Manchester United players, as everybody just dey woundjure. For this game, Luke Shaw and Eric Bailly wound. Dey don go join the like of Marcos Rojo, Zlatan Ibrahimovic, Paul Pogba, Timothy Fosu-Mensah, Phil Jones, and Chris Smalling wey dey injured. The thing bad sote Jose Mourinho bin warm up small, to crack joke. With the way things dey go, e fit play for the Reds this season.

The second thing wey we observe be say na very poor display from Manchester United today. Na total rubbish dem play. The only player wey try small na Anthony Martial. The rest bin struggle. Marcus Rashford bin get problem with hin final ball self (E fit dribble 3 people, den e go cross ball go throwing). Wayne Rooney only do two things for the game, e score penarity and e dash Swansea the free kick wey dem use score. As for Jesse Lingard, e just dey run up and down like horse wey dem abandon for bar beach. Dem no dey play like say dem wan finish for top four.

Another thing wey we observe na say the Reds defence bin struggle today but Swansea no fit capitalize. E worse for first half, pass second half. Na so so error clearance wey the defence dey do. Make i even talk truth, Swansea bin play pass Manchester United for first half.

c-qe4dzxsaeifwl

Another thing wey we observe na say Jose Mourinho dey run out of ideas for Manchester United. Na the same thing wey dem do against City, dem do against Swansea (Dem go carry ball, fling am go front for Rashford).. This kind long ball tactics no dey epp anybody. E be like say e don forget say Rashford no be Ibrahimovic, e no tall.

The last thing wey we observe na say Manchester United fit no finish top four this season and as things take be, if dem no win Europa League title, wahala go dey for Jose Mourinho and hin men onto say Champions League football dey part of the goals wey the board set for am.

Advertisements

One thought on “Five Things wey we observe as Manchester United draw 1-1 against Swansea: Dem dey play rubbish

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s