Four Things wey we observe as Tottenham knack Man United 2-1: Bye Bye Top Four

Premier League wise, This na very horrible season for Jose Mourinho and hin Manchester United team as dem don almost seal their fate for sixth position after Tottenham knack dem 2-1 for White Hart Lane. The people wey score for Spurs na Wanyama and Harry Kane, before Wayne Rooney con score consolation goal for the Reds. The koko be say the only way the Reds fit wakka enter UEFA Champions League now, na through Europa League trophy. Anything wey go make United lose the final against Ajax, go mean say no UCL football. God abeg the matter dey your hand.

We wan sharply talk about the four things wey we observe for the match:

The first thing wey we observe na say the Manchester United players no put body for the match at all. Dem no even play like say the match consign dem. Even the people wey we dey expect say go wan try their best, to impress Mourinho, so e go consider dem for final, play rubbish. The only person wey try for United na David de Gea, then Anthony Martial con ginger small for second half, after e go Left-Wing. All round, na poor performance.

The second thing wey we observe na say Jose Mourinho bin blunder tactically today. Anthony Martial do rubbish for striking position, Axel Tuanzebe play rubbish for midfield and Eric Bailly no impress me for Right back. Later e con put Ander Herrera, Mkhitaryan and Rashford but na still long balls wey dem still dey play. E be like say na the pattern wey e like but now wey Zlatan no dey again, e gots change am because e no dey epp anybody.

Another thing wey we observe na say time don run out for Wayne Rooney in Manchester United. Na him wey cause the first goal wey Tottehnam score, hin sharpness don reduce. With the kind big salary wey e dey collect, you go expect am to put up a ‘Cristiano Ronaldo like’ performance but e dey play like old man. Our advise na for Jose Mourinho to ship am off to China when summer knack.

The last thing wey we observe na say plenty Manchester United players go find their square root this summer. Jose Mourinho dey give some of them last chance to impress, but dem still dey mis-use am. You no fit carry N5,000 to Computer Village & wakka commot with Iphone 7. If we carry dese players go #UCL, we no go pass Group Stage. So e better if dem pack their loads commot.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s